【月經杯】月經杯點消毒？月經杯有特別清潔用品？正確清潔步驟與推薦 - Luvy.me
月經杯點消毒？月經杯有特別清潔用品？正確清潔步驟與推薦
1. 月經杯要點消毒? 4個常見嘅方法！
經期期間，每次倒咗杯入面嘅經血之後，需要用乾淨食水沖洗。而經期前後﹐用清水清洗（有需要嘅時候可以用無添加肥皂或者清潔液仔細清洗）之後，仲需要幫月經杯做消毒。
消毒方法有很多種，今次就介紹4個常見嘅方法，了解邊個方法最適合自己喇！
A）水煮消毒
月經杯洗淨之後，用煲煮滾消毒3-5分鐘。
*防黐底小技巧：將月經杯放係打蛋器入面，可預防黐底，同時方便係熱水入面拎出！
B）微波爐消毒
將月經杯放入消毒杯，加入清水蓋過成個月經杯，微波加熱3-5分鐘至沸騰。
*注意：杯蓋唔可以完全密封，同埋消毒杯要係微波爐冷卻咗先可以拎出，以確保安全！
C）浸泡消毒
將月經杯放入消毒杯，加入清水蓋過成個月經杯，加入1-2片嬰幼用品消毒丸浸泡15分鐘。（75ml 水用 1片，150ml 水用 2片）
D）噴霧消毒
日常消毒保養：月經杯洗淨之後，用消毒噴霧噴濕所有表面，等待自然風乾之後收納就可以喇！
想消毒之後即刻用：月經杯沖水之後，噴濕所有表面，等待最少1-2分鐘，再用飲用水沖洗，即可使用。
1.1 月經杯消毒嘅注意事項！
無論用邊種消毒方法，都要記住呢啲基本原則：
- 遵從品牌嘅使用說明：唔同品牌嘅月經杯可能有唔同嘅建議同指示，要仔細閱讀並遵從相應嘅使用說明。
- 避免用損害材質同埋容易引發 陰部肌膚敏感嘅消毒用品：確保所選用嘅消毒方法唔會對月經杯嘅材質造成損害，同時避免用啲可能引發陰部肌膚敏感嘅消毒用品。
- 定期消毒：建議定期幫月經杯進行消毒，以確保月經杯嘅衛生同安全。遵從品牌嘅建議，適時進行消毒。
好好消毒對於維護月經杯嘅衛生同安全至關重要。可以選擇最適合個人嘅方法，確保使用乾淨同衛生的月經杯，從而得到安全又舒適嘅生理期。
好用嘅月經杯清潔濕紙巾可以推薦比大家：丹麥 OrganiCup 月經杯清潔濕紙巾（10 片）
2. 月經杯點清潔同保養？
上面消毒方法係係月經成個週期前同後先用，而平時經期期間，月經杯嘅清潔同保養方法可以分為 前、中、後 三個階段。
2.1 使用前後月經杯清潔保養
每次使用前同使用後，可以用溫和嘅清潔劑或者沐浴露嚟清潔，再用熱水沖洗下。建議大家係月經成個週期前同後才先用熱水沖洗，因為如果用熱水過度沖洗的話，會加速老化，減低月經杯嘅彈性。
好用嘅月經杯清潔液可以推薦比大家：丹麥 OrganiCup 潔淨液 - 月經杯及私密肌用（75 ml）
2.2 使用期間月經杯清潔保養
如果你只有一個月經杯的話，就有機會需要係出面拎出月經杯倒出經血。如果係出面的話，我個人嘅做法係：
- 清潔雙手
- 入廁格拎出月經杯，將經血倒入馬桶
- 用月經杯清潔濕紙巾 抹下月經杯，若要達到除菌效果，需要靜待一分鍾
- 用食用水沖洗即可再用
好用嘅月經杯清潔濕紙巾可以推薦比大家：新加坡 Smile Makers 私膚濕紙巾 (12片獨立包裝）
2.3 咁咩時候要換月經杯？
由於每個品牌嘅月經杯壽命都唔相同，由 2 年至 5 年不等，建議大家按照包裝上嘅指引進行更換。另外，用咗一段時間後月經杯可能會因為裝咗經血而染色，如果唔想出現明顯嘅染色情況，可揀啲深色嘅月經杯。
好用嘅月經杯可以推薦比大家：丹麥 OrganiCup月經杯 - 3款尺寸可選 (獲多個歐洲獎項及認證)
Team Luvy
下一篇：【月經杯】月經杯很危險？增加感染風險？正確使用又環保又舒適！- luvy.me